01 ноября 2008 г.
Кĕрхи ĕçсем вĕç-ленчĕç: хирсем пушаннă, тырă-пулă кĕлетре. Эппин, çĕр ĕç паттăрĕсене чыслама та вăхăт. Шăпах çак тĕллевпе ĕнер Патăрьелĕнчи культурăпа кану çуртне ял хуçалăхĕпе продукци тирпейлекен промышленноçра ĕçлекенсене кĕрекене пухрĕç.
Юлашки 15 çул хушшинче çулсерен 40-шер пин тонна тырă тĕшĕленĕ пулсан кăçал ку кăтарту 50 пин тоннăран та иртнĕ. Вăтам тухăç гектар пуçне 27 центнерпа танлашать.
Ĕçсене пĕтĕмлетнĕ май малта пыракансене Хисеп хучĕсемпе хаклă парнесем парса саламларĕç, малашне те çак çăмăл мар ĕçре çитĕнÿсем сунчĕç. Уяв мĕнлерех иртни пирки тĕплĕнрех çитес номерте паллаштарăпăр.
(Хамăр корр.).