Публикации » Сывă пурнăç йĕркишĕн

01 ноября 2008 г.

Патăрьелĕнчи 2-мĕш вăтам шкулта ачасен сывлăхне упраса çирĕплетес тĕллевпе тĕрлĕ секци-кружок ĕçлет. Унсăр пуçне кашни уйăхра Сывлăх кунне ирттереççĕ. Класс тулашĕнчи спорт ăмăртăвĕсем тăтăш пулаççĕ.

Вăтам классенче вĕренекенсемшĕн пионербол вăййи чи юратнă мероприятисенчен пĕри пулса тăчĕ, йăлана çирĕп кĕчĕ. Кашнинчех ачасен чĕринче тарăн йĕр хăварать вăл.

Хальхинче пионербол вăййи “Çамрăксем – сывă пурнăçшăн” акци планĕпе килĕшÿллĕн иртрĕ. Классен командисем çивĕч тупăшрĕç. Апла пулин те хăйсен вăйне, туслăхне, пултарулăхне туллин кăтартнă 8-мĕш “а” класа парăнтараканни пулмарĕ, вăл 1-мĕш вырăна çĕнсе илчĕ. 2-мĕш вырăн 6-мĕш “а” класс тухрĕ, 3-мĕшпе 4-мĕш вырăнсене 7-мĕш “а” тата 5-мĕш “а” классем пайларĕç.

Çĕнтерÿçĕсене шкул директорĕ Л.Сафронова куçса çÿрекен кубокпа, Хисеп хучĕсемпе тата парнесемпе чысларĕ. В.АНТИПОВ.