Публикации » Эрне тухăçлă иртнĕ

19 ноября 2008 г.

Район пуçлăхĕн пĕрре-мĕш çумĕ Р.Селиванов структура подразделенийĕсен ертÿçисен канашлăвĕнче эрне тухăçлă иртнине палăртнă. Чи пĕлтерĕшлисенчен пĕри районта гражданла хÿтлĕх енĕпе командăсемпе штабсен вĕренĕвĕ ăнăçлă иртсе кайни. Унта мĕн пур яваплă службăсене явăçтарнă. Районта Чĕмпĕр чăваш шкулĕ 140 çул тултарнă ятпа наукăпа практика конференцийĕ йĕркеленĕ. Унта ЧПУ ректорĕ Л.Кураков академик хутшăннă. Планеркăра кун пирки те пĕтĕмлетÿ тунă.

Иртнĕ эрнере Кзыл Чишмари пĕтĕмĕшле практика врачĕн офисĕнче çынсем Донор кунне хастар хутшăннă. Районта халăха диспансеризацилес тата иммунизацилес ĕç малалла пырать. Çулталăк вĕçлениччен Турханти врач амбулаторийĕн никĕсĕ çинче врач офисне уçма палăртнă. Хальхи вăхăтра кунта çĕнĕ медицина оборудованийĕсем кÿрсе килес ĕç пырать.