22 ноября 2008 г.
Первомайск ял тăрăхĕнче йăлана кĕнĕ спорт ăмăртăвĕсем пулсах тăраççĕ. Çак кунсенче, акă, спорт ветеранĕ, халăха вĕрентес ĕç отличникĕ Николай Кузьмин ячĕпе волейбол турнирĕ иртнĕ. Ăмăртăва хапăл тунă спортсменсене, çак мероприятие йĕркелеме пулăшнă С. Лукин предпринимателе чăн малтанах ял тăрăх пуçлăхĕ Ю. Федоров тав тунă, турнира кăмăллă ирттерсе яма ырă суннă.
Волейболистсен çивĕч кĕрешĕвĕнче Патăрьел ял тăрăхĕ пĕрремĕш, Первомайск ял тăрăхĕ иккĕмĕш, “Сабат” команда виççĕмĕш вырăнсене çĕнсе илнĕ.
Ăмăрту вĕçленнĕ хыççăн спортсменсем спорт ветеранĕн вил тăпри çинче пулса пуç тайнă, ăна хисеп туса чечек кăшăлĕ хунă.