Публикации » Хаçатра çырнă хыççăн

22 ноября 2008 г.

«Авангард» хаçатăн октябрĕн 22-мĕшĕнче тухнă номерĕнче «Сăн ÿкерчĕк айăплать» заметка пичетленнĕччĕ. Унта Ыхра Çырминчи хăш-пĕр урамра пылчăк çăрăлни çинчен çырнăччĕ. Ыхра Çырми ял тăрăх пуçлăхĕ Э.Ахметов редакцие çапла пĕлтерчĕ:

“Хаçатра çырни тĕрĕсех. Тукай урамĕн тăршшĕ 1384 метр. Ăна аслă урампа пурăнакансен пуçарăвĕпе вак чул сарса çыхăнтарнă. Пĕлтерĕшне кура асфальт сармалли программăна кĕртнĕ. 2011 çулччен çакăн валли 20,7 миллион тенкĕ уйăрма палăртнă. Çапах та ялăн кăнтăр енче пурăнакансене Центральнăй урама тирпей-илем кĕртме хутшăнма чĕнетĕп. Ку урамра шкул вырнаçнă. Ун тăрăх шкул ачисен 70 процентне яхăн тата чылай транспорт çÿрет. Заметка авторĕн те ку ĕçрен айккинче юлас марччĕ”.