Публикации » Сывлăхран хавшакрах пулсан та ăмăртура хастар

29 ноября 2008 г.

Вун ултă çул каялла ООН Генеральнăй Ассамблейи декабрĕн 3-мĕшне Пĕтĕм Тĕнчери инвалидсен кунĕ тесе йышăннă. Çак ятарлă кун пирĕн çумра сывлăх тĕлĕшĕнчен хавшакрах çынсем пуррине пĕлтерсе тăрать. Инвалидсен кунĕ çывхарнă май халăха социаллă пулăшупа тивĕçтерекен Патăрьелĕнчи центрта 30-70 çулсенчи спорта юратакансем хушшинче шашкăлла, шахматла, дартсла выляссипе ăмăрту йĕркеленĕ. Тупăшăва 22 çын хутшăннă. Вĕсенчен Сăкăтри Н.Муллин пĕрремĕш, Ф.Ларионов иккĕмĕш, Кзыл Чишмари М.Абдуллин виççĕмĕш вырăнсене йышăннă. Çĕнтерÿçĕсене районти халăха социаллă хÿтлĕх паракан пай начальникĕ Ф.Майорова, халăха социаллă пулăшупа тивĕçтерекен Патăрьелĕнчи центр директорĕ Т.Малинина саламланă, дипломпа тата парнепе хавхалантарнă.