Публикации » Кашни çынна телейлĕ çул сунать

06 декабря 2008 г.

Паян кирек кам та инçе çула шанчăклах тухса кайма пултарать. Хăшĕ-пĕри пурăнакан кил умĕнченех автобуспа Раççейĕн тĕрлĕ кĕтесĕсене çитме пултарать. Патăрьел автостанцийĕнчен куллен вуншар автобус аякри çула тухать. Çула тухакансемпе водительсене телейлĕ çул сунса ăсатакансенчен пĕри – лини çинчи контролер Д.Чермасова. Дария Петровнăна чылайăшĕ кĕскен Даша тесе чĕнеççĕ. Вăл тивĕçлĕ канура пулин те çамрăк чухнехиллех вашават, вăр-вар çÿрет. Ватăпа ватăлла, çамрăкпа çамрăкла калаçать. Вунă çул ĕнтĕ вăл çул çинче пассажирсен билечĕсене тĕрĕслет. Вăл тÿрĕ чунлă, çирĕп кăмăллă хĕрарăм. Хăйĕн ĕçне тăрăшса пурнăçлать. Контролер тивлечĕпех автостанци кассине те йышлă укçа кĕрет. Водительсем те хăйсен ĕçне тÿрĕ кăмăлтан пурнăçлама тăрăшаççĕ.

Е.ПОРТНОВА.