10 декабря 2008 г.
Аш-какай туса илес, ăна упрас тата сутас тĕлĕшпе ĕçлекен предпринимательсен канашлăвĕ пулнă. Ăна районти тĕп ветеринари ин-спекторĕ П.Ефимов ертсе пынă. Канашлăва Шăнкăртам ял тăрăх пуçлăхĕ Р.Купкенов, Шăнкăртамри ветеринари участокĕн заведующийĕ К. Акишева, И.Шемшетдинова ветфельдшер хутшăннă.
Предпринимательсен канашлăвĕнче аш-какай тата унтан тунă продукцисене ветеринарипе санитари экспертизине тăвасси, диагностика тĕпчевĕсем, сиплевпе профилактика вакцинине пурнăçласси, ветеринари çăмăллăхĕн çĕнĕ тарифĕсем çинчен калаçу пуçарнă. Кунтах выльăх-чĕрлĕхĕн биокаяшĕсене Çĕрпÿри ветеринари заводне ăсатасси пирки сăмах хускатнă.
А.НИКОЛАЕВА.