10 декабря 2008 г.
Турханти вăтам шкулта вĕренекенсен ашшĕ-амăшĕн пухăвĕсем палăртнă тăрăх кашни чĕрĕк хыççăнах иртеççĕ. Ку хутĕнче тĕрлĕ ыйту пăхса тухрĕç. Директорăн вĕрентÿ енĕпе ĕçлекен çумĕ В.Иванов ачасен вĕренÿ шайне иртнĕ çулхипе танлаштарса пачĕ, çитĕнÿсем ÿсчĕр тесен шкулпа ашшĕ-амăшĕ умĕнче тăракан тĕллевсене палăртрĕ.
Шкул библиотекарьне С.Базуновăна кĕнеке ыйтăвĕ канăç памасть. Вĕренекенсене вĕсене тирпейлĕ тытмаллине, ку енĕпе ашшĕ-амăшĕн тимлĕ пулмаллине каласа хăварчĕ.
Шкул столовăйĕн аслă поварĕ Г.Петрова ачасен кулленхи апатланăвĕпе паллаштарчĕ.
Пуху ĕçне шкул директорĕ А.Богданова пĕтĕмлетрĕ.
И.ЛЕЩЕВА.