Публикации » Ĕç результачĕ шанчăклă çыхăнуран та килет

13 декабря 2008 г.

Кирек мĕнле ĕç результачĕ те çирĕп йĕркерен, шанчăклă çыхăнуран килет. “Труд” ял хуçалăх производство кооперативĕнче çакна тĕпе хурса ĕçлеççĕ. Çак сăлтавпах кооператив дирекцийĕ хуçалăхри кашни тĕп специалиста кĕсье телефонĕсем илсе панă. Вăл çеç те мар-ха, ертÿçĕ специалистсемпе тăтăшах ĕçлĕ çыхăнура пулччăр тесе кашни уйăхрах телефона хуçалăх шучĕпе кирлĕ чухлĕ укçа хурса параççĕ. Унпа, паллах, кооператив çука юлмасть. Анчах шанчăклă çыхăну ĕç результатне лайăхлатма май пани куçкĕретех. Кооператив ытти çулсенчи пекех кăçал та ял хуçалăх культурисене çитĕнтерсе илес тĕлĕшпе кăтартуллисен шутĕнче.