20 декабря 2008 г.
Инкек куçа курăнса та, туттурут кăшкăртса та килмест теççĕ. Ку чăнах та çаплах ĕнтĕ. Анчах та тепĕр чухне çав инкекшĕнех чавсана çыртма та хатĕр, анчах вăл аякра.
Çулталăк пуçланнăранпа пирĕн районта тĕрлĕрен сăлтавпа шар курнă, инкек тÿснĕ çынсене “Росгосстрах – Поволжье” тулли мар яваплă обществăн Чăваш Республикинчи Тĕп управленийĕн Патăрьелĕнчи филиалĕ урлă виççĕр çынна тĕрлĕрен тÿлевпе тивĕçтернĕ. Кунта вут-кăвартан шар курнисем те, аманса сусăрланни те, выльăх-чĕрлĕх инкек курни тата ытти те кĕреççĕ. Пысăк хуйхăн пĕр пайне саплаштарни те лайăх-çке. Çакна маларах шутлани пуриншĕн те аван.