Публикации » Ÿкерекен камерăран вăрă-хурахсем хăтăлаймĕç

20 декабря 2008 г.

Пурнăçра темшĕн ырă тунă япалана ура хуракансем тупăнсах тăраççĕ. Сăмахăма каллех Патăрьелĕнчи “Арбат” районĕнчи тата аслă урамри хитре юпасем çинчи сенкер çутă пирки пуçарасшăн. Ара, такам йĕксĕкĕсем вĕсене пĕрин хыççăн тепĕрне çĕмĕрсе çеç тăнăран ыйтăва район пуçлăхĕн шайне çитертĕмĕр те. Кашни япалан вĕçĕ пулать. Каçхи вăрă-хурахсене, пуçтахсене, обществăлла вырăнта хăйсене ирĕке яракансене, ÿсĕр çапкаланса çÿрекенсене тытса палăртас, вĕсене кирлĕ пек явап тыттарас, саккунпа килĕшÿллĕн штрафлас тĕллевпе çывăх вăхăтрах кирлĕ вырăнсене ÿкерекен камерăсем лартĕç. Ун пек чухне вара хура ĕç тăвакан пĕр çын та саккунçăсем умĕнче унталла-кунталла пăркаланаймĕ.