24 декабря 2008 г.
Чăваш Республикин Министрсен Кабинечĕн 2008 çулхи ноябрĕн 26-мĕшĕнчи постановленийĕпе килĕшÿллĕн пирĕн районти 18 çынна “Ĕç ветеранĕ”, иккĕшне “Чăваш Республикин ĕç ветеранĕ” ятсене панă. Çак кунсенче вĕсене район пуçлăхĕн пĕрремĕш çумĕ Р.Селиванов чыслă ларура удостоверенисем парса хисеп тунă.
Хисеплĕ ята илнисенчен пĕри – Нăрваш Шăхалĕнчи вăтам шкул учительници Тамара Ивановна Кузьмина. Чăваш педагогика институчĕн физикăпа математика вĕрентекенĕн дипломне илнĕ хыççăн ĕçлеме килнĕ вăл çак специальноçпа.
Нăрваш Шăхалĕнчи Валентина Павловна Шалтынова вара çирĕм çул ытла ял тăрăхĕн секретарĕнче тăрăшать.
Чăваш Республикин тава тивĕçлĕ учителĕ Алманчăри вăтам шкулти Юрий Николаевич Иванов вĕрентекен харăсах икĕ удостоверение тивĕçрĕ: “Ветеран труда” тата “Ветеран труда Чувашской Республики”.
(Хамăр корр.).