24 декабря 2008 г.
Аннесен уявĕ ячĕпе йĕркеленĕ концертра ташă крожокĕн кĕçĕн ушкăнне çÿрекенсем тĕрлĕ ташă ташларĕç. Чăтса тăрайманнипе А.Калькин ертÿçĕ те вĕсемпе пĕрле ташларĕ. 13 ача унта. 3, 4, 5-мĕш классене çÿрекенсем. Ташăсем хушшинче Карина Убасева хитре сассипе юрласа тыткăнларĕ, К.Каленовăпа Сандыркина та унран юлмарĕç. Концерта вара Горбуновăпа Калькина Таньăсем, Аня Чернова вĕçлерĕç. Çак ташă ушкăнĕ кăçал Мускаври Акатуй-сабантуя çитсе хăйсен пултарулăхне кăтартрĕ. Унтан Сăкăтри хорпа ташă ушкăнĕ диплом илсе таврăнчĕ.
– Маттур çав пирĕн А.Калькин, вăл пулмасан кам-ха ачасене ташлама вĕрентĕччĕ, – тет Надя Яковлева.
А.ТОЛСТОВА.