Публикации » Ырă ĕçсен çулталăкне ырăпа вĕçленĕ

31 декабря 2008 г.

Чăваш Республикин Президенчĕн Указĕпе килĕшÿллĕн ят панă кăçалхи Ырă ĕçсен çулталăкне Ыхра Çырминчи шкул коллективĕ лайăх кăмăлпа вĕçленĕ. Çулталăк тăршшĕпе чылай сăваплă та халăхшăн усăллă ĕçе явăçнă вĕсем. Декабрĕн 27-мĕшĕнче, шăматкун, вĕренекенсемпе вĕрентекенсен туслă ушкăнĕ ашшĕ-амăшĕ, ял халăхĕ, çамрăксем валли уяв концерчĕ хатĕрлесе кăтартнă. Дамир Бурчаклы кĕвĕ-çемĕ ăсти ертсе пынипе çак мероприятие кашни çулах çапла йĕркелеççĕ. Билет хакĕнчен пуçтарăннă укçана вара шкул пурнăçĕпе çыхăннă тăкаксене саплаштарнă çĕре яраççĕ. Начар мар пуçару-çке çакă.