31 декабря 2008 г.
Декабрĕн 25-мĕшĕнче Чăваш патшалăх оперăпа балет театрĕнче республикăри ачасен Президент ячĕпе йĕркеленĕ Çĕнĕ çул уявĕ пулнă. Капăр чăрăш йĕри-тавра тăрса юрласа, ташласа савăнма пирĕн районтан çитмĕл ача хутшăннă. Вĕсем пурте вĕренÿ отличникĕсем, тĕрлĕрен конкурссен призерĕпе çĕнтерÿçисем, лауреатсем. Вĕренÿ хастарĕсем хушшинче “Тантăш” хаçат проектĕнче хутшăннă çичĕ çамрăк журналист та пулнă. Туçари вĕрентÿ центрĕнчи А.Углевăпа А.Табакова, Нăрваш Шăхалĕнчи А.Алексеевăпа Н.Калькина, Первомайскинчи вĕрентÿ центрĕнчи Т.Киргизовăпа Н.Марлынова, Кивĕ Ахпÿртри А.Белкова та Президент елкинчен пысăк хавхаланупа таврăннă. Кашни ача Çĕнĕ çул ячĕпе Президент парнине тивĕçнĕ.
Хирти Пикшикри 6-мĕш класра вĕренекен Азат Хамдеев вара тата телейлĕрех, вăл пирĕн районтан Раççей Президенчĕн елкине хутшăнма тивĕçнĕ.