Публикации » Вулавăша – чун-чĕререн парне

24 января 2009 г.

Пĕтĕм Раççейри библиотекăсен кунĕ ячĕпе май уйăхĕнче “Дарение по велению души” акци ирттернĕ. Ырă ĕçсен çулталăкĕнчи пархатарлă ĕç çулталăкĕпех тăсăлнă. Чылай кĕнекесен авторĕсем хăйсемех библиотекăна парне тунă. Ытти уйрăм çынсен тимлĕхне те палăртмасăр хăварма çук. Чăваш Патшалăх Канашĕн депутачĕ Олег Николаевич Викторов хальхи вăхăтра вулакансем хисеплекен 18 авторăн кĕнекине библиотека фондне пуянлатма панă. Унсăр пуçне район больницинчи врач-нарколог Н.Надина килти кĕнеке çÿлĕкĕнчен 40 экземпляр тĕрлĕрен литература парнеленĕ. Библиотека ĕçĕн ветеранĕ, нумай-нумай вулаканăн çывăх тусĕ, юлташĕ Е.Юлдашева та çулталăк тăрăшшĕпе хăйĕн ĕçтешĕсене темиçе хутчен те парне тунă. Ырă çынсем ырă кăмăлпа алă тăсса парне тунишĕн сăвап çеç пулĕ.