28 января 2009 г.
Чăвашстатра 2010 çулхи халăх çыравне хатĕрленсе ирттерес тĕ-лĕшпе йĕркеленĕ комиссин анлă ларăвĕ пулса иртнĕ. Лару ĕçне районсемпе хуласенчи тĕп специалист-экспертсем те хутшăннă. Кун йĕркинчи тĕп ыйту – çĕр-шыв пĕлтерĕшлĕ мероприятие – халăх çыравне тĕплĕн хатĕрленсе кĕтсе илесси. Çырав вăхăтне те татăклăн палăртнă: вăл юпа уйăхĕн 14-25-мĕшĕсенче иртет. Федерацин патшалăх статистика служби Чăваш Республикинчи территори органĕн ертÿçи, комисси председателĕ Ю.Марков çырава хатĕрленме тытăннăранпа туса ирттернĕ ĕçсене пĕ-тĕмлетнĕ. Вăл çакна палăртнă. Чăвашстат республикăри ĕç тăвакан влаç тата вырăнти хăй тытăмлăхăн çыравшăн яваплă органĕсемпе, федерацин ĕç тăвакан территори тытăмĕсемпе, предприяти-организацисемпе килĕштерсе ĕçлени ырă витĕм кÿнĕ. Халăх пурăнакан вырăнти адрес хуçалăхне йĕркелесе çитересси, урамсен ячĕсене çырнă аншлагсене, çуртсен номер паллисем пуррипе çуккине инвентаризацилесси иртнĕ çулхи тĕп тĕллев пулнă, ăна ăнăçлă пурнăçланă. Республикипе пурĕ 249 пин ытла çурта хакланă. 2008 çулхи юпа уйăхĕнче Росстат халăхăн сăнавлă çыравне ирттернĕ. 2009 çулта пурнăçламалли ĕçсен калăпăшĕ вара тата та пысăк.
(Хамăр коор.).