Публикации » Пĕрремĕш уйăха пĕтĕмлетнĕ

04 февраля 2009 г.

Район администрацийĕн структура подразделенийĕсен ертÿçисен черетлĕ канашлăвне район пуçлăхĕ Н.Глухов çĕнĕ çулхи пĕрремĕш уйăха пĕтĕмлетнинчен пуçланă. Кăрлач чи кĕске ĕçлĕ уйăх пулин те район шайĕнче вăл тухăçлă иртнĕ. Уйрăмах спорт енĕпе чылай мероприяти пулнă. Январь уйăхĕнче ЧР тава тивĕçлĕ учителĕ В.Бородкин ячĕпе волейбол турнирĕ, шкул ачисем хушшинче алă вăйне виçесси, ЧР тава ти-вĕçлĕ учительне А.Краснова асăнса минифутболла выляссипе уçă турнир тата ытти те. Спортсменсем республика тата Раççей шайĕнчи ăмăртусене те хутшăннă. Районта методика пĕрлешĕвĕсен, çамрăк специалистсен ларăвĕсем тухăçлă иртсе пыраççĕ. Уйăх вĕçĕнче йĕркеленĕ Донор кунне те граждансем пысăк хастарлăхпа хутшăннă. Канашлура Çĕнĕ çулти пĕрремĕш информаци кунĕнче творчество ĕçĕнче пысăк хастарлăх кăтартнă 15 çамрăка ЧР Президенчĕн стипендине панине пĕтĕмлетнĕ. Çамрăксен çулталăкĕнче çакă вĕсене тата ытларах хавхаланса ĕçлеме май парĕ.