04 февраля 2009 г.
Эпир, 5-мĕш класра вĕренекенсем, класс ертÿçи Н.Кошелева ертсе пынипе тĕрлĕ мероприяти ирттеретпĕр. “Эрудит” конкурса хаваспах хутшăнтăмăр. Надежда Васильевна пире кăсăклă ыйтусем, тупмалли юмахсем пачĕ. Литературăран, музыкăран, киносенчен илнисем çине те хуравсем тупрăмăр. Класра чи ăсли тата маттурри А.Кадушкин пулчĕ. Ун хыççăнхи вырăнта – С.Албуткин. Çĕнтерÿçĕсене Надежда Васильевна парнесемпе хавхалантарчĕ.
Телефон пирĕн пурнăçра
Телефон пирĕн пурнăçра питĕ пысăк вырăн йышăнать. Шăпах çак темăпа ирттертĕмĕр эпир класс сехетне. Л.Антонова, А.Кадушкин пĕрремĕш телефон аппарачĕ çинчен каласа пачĕç. А.Кудряшов çыхăну мĕн тума кирлине пĕлтерчĕ. Эпир чи кирлĕ телефон номерĕсене аса илтĕмĕр. Класс ертÿçи Н.Кошелева пире çĕнни нумай каларĕ. Кĕсье телефонĕн сиенĕ çинчен эпир чăннипех сахал пĕлетпĕр иккен.
Класс сехечĕ пире питĕ килĕшрĕ.
Е. ЗОТОВА. Аслă Чемен ялĕ.