07 февраля 2009 г.
Районти тĕрлĕ харпăрлăхлă предприяти-организацисенче ĕçри аслă вĕрентекенĕн ят-сумĕпе витĕмлĕхне ÿстерес, професси культурине сыхласа хăварса малалла аталантарас тĕллевпе февралĕн 1-18-мĕшĕсенче “Çамрăксен чи лайăх вĕрентÿçи – 2009” республикăри конкурсăн районти тапхăрне ирттерме палăртнă.
Район пуçлăхĕн хушăвĕпе килĕшÿллĕн конкурс комиссийĕн йышне çирĕплетнĕ, унăн положенине туса хатĕрленĕ. Конкурс комиссине район пуçлăхĕн пĕрремĕш çумĕ Р.Селиванов ертсе пырать.
Конкурса организаци-предприятире пилĕк çултан кая мар ĕçлесе çамрăксене вĕрентес тата воспитани парас ĕçре профессилле ăсталăхпа пысăк çитĕнÿ тунă работниксем хутшăнаççĕ.
Çĕнтерÿçĕсене кашни отрасле кĕртсе тăхăр номинаципе хаклаççĕ.
Конкурса хутшăнас кăмăллисен районти вĕрентÿ пайне февралĕн 18-мĕшĕччен заявкăсем тăратмалла. Унăн адресĕ: Ленин проспекчĕ, 7 а, т. 6-24-20.