07 февраля 2009 г.
Çĕньял ял тăрăхĕнчи юлашки пухура тивĕçлĕ канăва тухнă ватăсем “Ветеран” клуб йĕркеленĕ. Унăн тĕллевĕ – ял тăрăхĕнчи хисеплĕ пенсионерсем çамрăксене пур енлĕ воспитани пама, ĕлĕкхи йăла-йĕркене, хамăр культурăна малалла аталантарма пулăшасси.
Хăйсен ирĕкĕпе “Ветеран” клуба кĕнĕ ватăсем кăçалхи ĕç планне те йышăннă. Вăл вара пуян та пур енлĕ. Кунта пĕрлехи спорт, культура мероприятийĕсем те, алă ĕçне, ăсталăха аталантармалли ĕçсем тата ытти те пур. Урăхла каласан ял тăрăхĕнче Çамрăксен çулталăкĕ кичем иртмĕ.