11 февраля 2009 г.
Хаçат страницисенче эпир районти “Олимп” хоккей команди Чăваш Республикинчи ял командисем хушшинче иртекен чемпионатра ăнăçлă выляса пыни пирки пĕлтерсех тăнăччĕ. Акă, пирĕн хоккеистсем финала та çитме пултарчĕç. Иртнĕ вырсарникун вĕсем Çĕнĕ Шупашкарти “Сокол” Пăр керменĕнче Вăрмарти “Легион” командăна тĕл пулнă. Вылякансене район пуçлăхĕ Н.Глухов, Шупашкар, Çĕнĕ Шупашкар хулисенче тĕпленнĕ ентешсем хавхалантарни те пулăшнă-тăр. Вăйă 5:3 шутпа вĕçленнĕ. Çапла вара кубок Патăрьелсен аллинче. Халĕ малалла “Олимп” хула командисемпе тупăшĕ. Медальшĕн кампа выляссине февралĕн 15-мĕшĕнче иртекен Чăваш Республикин хоккей федерацийĕн президиумĕн канашлăвĕнче палăртĕç.
Çĕнтерÿпе саламлатпăр, хуласене çĕнтерме ăнăçусем сунатпăр.
А.ИВАНОВ.