11 февраля 2009 г.
Патăрьелĕнчи тĕп библиотекăра “Çулталăкри вулакан” акцие пĕтĕмлетнĕ. Çавна май вулакансен ушкăнĕнчи кĕнеке тусĕсене тăхăр номинаципе хак панă. Сăмахран, Шадриковсем – чи нумай кĕнеке вулакан çемье, халăха ĕçпе тивĕçтерекен Департамент директорĕ М.Сепперов – федераллă, район администрацийĕн финанс пайĕн ертÿçи Т.Полякова муниципаллă служащисенчен, Патăрьелĕнчи 1-мĕш вăтам шкул учительници Т.Табакова педагогсенчен, А.Осиповăпа Л.Чернова пенсионерсенчен вулавăшпа çирĕп çыхăну тытса нумай кĕнеке вулакансем. Ю.Поляков предпринимателе “Пресса рыцарĕ”, “Солнышко” ача сачĕн воспитательне В.Николаевăна “Эпĕ пурне те пĕлесшĕн” номинацисемпе хакланă.
Иртнĕ çул чи нумай кĕнеке вулакансене чыс тума зала йышлă халăх пуçтарăннă. Чыслав мероприятине уйрăм заведуюцийĕ Т.Иванова ертсе пынă, активлă вулакансене пурне те ятран асăнса тав тунă.