11 февраля 2009 г.
Иртнĕ эрнере районта чрезвычайлă лару-тăру тата пушар хăрушсăрлăх комиссийĕн ларăвĕ пулнă. Комисси председателĕ – район пуçлăхĕн çумĕ М.Калмыков ларăва ертсе пынă май инкек-синкекрен, чрезвычайлă лару-тăруран яланах асăрханмаллине каланă, ку ыйтупа ял тăрăхĕсенче тимлĕрех ĕçлемеллине çивĕчлетнĕ.
Комисси ларăвĕнче çынсем йышлă çÿрекен вырăнсенче каçхине сыхă пулмаллине каланă. Кунтах Первомайски ял тăрăхĕнче муниципаллă пушар хуралĕ тăвас ыйтăва хускатнă, комиссин 2009 çулхи ĕç планне пăхса тухса çирĕплетнĕ.
Пушар хăрушсăрлăх йĕркисене вырăнсенче çирĕп пăхăнас тĕллевпе комисси ларăвĕнче иртнĕ çул чи нумай пушар тухнă ял тăрăхĕсен пуçлăхĕсен отчечĕсене итленĕ.