11 февраля 2009 г.
Районти пушар хуралĕнчен пĕлтернĕ тăрăх, вырсарникун, февралĕн 8-мĕшĕнче икĕ пушар пулнă. Кăнтăрла 12 сехетре Кивĕ Катекри А.Николаевсен мунчи çуннă, каçхине ултă сехетсенче вара Еншикри П.Карзаков хуçалăхĕнче вут тухса инкек кăтартнă. Пушарта кил хуçи çунса вилнĕ. Сăлтавĕ каллех тимсĕрлĕх, асăрханусăрлăх. Арçын электричествăпа çеç ăшăнса пурăннă, ĕçкĕ-çикĕпе иртĕхнĕ. Пушарта икĕ юлташĕ хăтăлса ĕлкĕрнĕ, унăн вара шăпи синкерлĕ пулса тухнă.
Тунтикун ирхине пушар Тутар Сăкăтсене ура çине тăратнă. Инкекре унчченхи хуçалăх правленийĕн çурчĕ çунса кайнă. Сăлтавĕ – электропăралуксем юрăхсăр пулни.