14 февраля 2009 г.
Февралĕн 10-мĕшĕнче районта кĕçĕн класс ертÿçисем хушшинче “Чи класлă класс ертÿçи” конкурс иртнĕ. Мĕн пурĕ ачасен уйрăм аталану программине тата презентаци хÿтĕлеме хăйсен ĕçне çирĕп пĕлекен 19 педагог хутшăннă, вĕсенчен 16-шĕ программăна хÿтĕленĕ.
Çивĕч конкурс итогĕпе пĕрремĕш вырăна Ыхра Çырминчи вăтам шкулти 3-мĕш класс ертÿçи А.Зейнетдинова, иккĕмĕшне Пăлапуç Пашьелĕнчи вăтам шкулти иккĕмĕш класс ертÿçи Т.Козлова, виççĕмĕшне Кивĕ Ахпÿртри пĕтĕмĕшле пĕлÿ паракан тĕп шкулти 4-мĕш класс ертÿçи Н.Салмина, Кзыл Чишмари I тата III классен ертÿçи З.Салахутдинова, Патăрьелĕнчи пĕрремĕш вăтам шкулти 2-мĕш класс ертÿçи С.Сафьянова йышăннă.
Тепĕр кунхине вăтам звено ертÿçисем хушшинче иртнĕ конкурсра Турханти вăтам шкулти 7 “б” класс ертÿçи А.Ефимова çĕнтерÿçĕ ята çĕнсе илнĕ. Алевтина Владимировнăн çак енĕпе республикăра район чысне хÿтĕлеме тивĕ.