14 февраля 2009 г.
Районта Çĕр ĕçченĕн тата Çамрăксен çулталăкĕсене халалласа эстрада юрри-ташшине кăмăллакан ачасем хушшинче февралĕн 10-20-мĕшĕсенче “Çуталса пыракан çăлтăр-2009” фестиваль пырать.
Февралĕн 10-мĕшĕнче районти культурăпа кану центрĕнче унăн пĕрремĕш пайĕ иртнĕ. Сцена çинче уйрăмах Тăрăн, Тутар Сăкăт, Ишлĕ, Нăрваш Шăхаль, Çĕньял, Первомайск, Сăкăт, Шăнкăртам, Аслă Чемен, Пикшик, Турхан, Алманчă, Пăлапуç Пашьел ял тăрăхĕсенчи çамрăк артистсем хăйсен пултарулăхĕпе савăнтарнă. Çывăх вăхăтра çакнашкал конкурс Çĕнĕ Ахпÿрт тата Туçа ял тăрăхĕсенче иртĕ.
Чи-чи пултаруллисене вара февралĕн 20-мĕшĕнче Патăрьелĕнчи культурăпа кану центрĕнче палăртĕç.