Публикации » Утса çÿренĕшĕн те укçа илĕç-ши;

14 февраля 2009 г.

Пурнăçăн хури-шуррине, тути-масине сахал мар курнă, туйнă эпир. Хисеплĕ ватлăх çулне çитсен те тĕлĕнмеллисем пулсах тăраççĕ. Малашне урамра утса уçăлса çÿренĕшĕн е сывлăшпа сывланăшăн та укçа илĕç-ши; Акă мĕншĕн тарăхса калатăп эпĕ кăна. Çак кунсенче эпĕ килти телефоншăн тÿлеме кĕтĕм. Кăмăллăнах мĕн чухлĕ тÿлемелли укçине патăм та счетне кăларса пама ыйтрăм. “Тархасшăн 7 тенкĕ тÿлĕр малтан...”, – терĕ мана оператор. Эпĕ тĕлĕннипе ăнран кайрăм. Вĕсен вĕт ăна эпир ыйтмасăрах кăларса памалла. Малашне магазинсенче туяннă таваршăн паракан чексене те тÿлесе илмелле пулĕ-ши;

А.ЛЕОНТЬЕВ. Патăрьел ялĕ.