Публикации » Ентешĕн юррисем пурне те тыткăнланă

21 февраля 2009 г.

Районти культурăпа кану центрĕн сценине хальхинче Г.Вакку юрăç ертсе пыракан чăваш эстрада çăлтăрĕсем йышăннă. Артистсен пултарулăхне пахалама зала лăк тулли халăх пуçтарăннă. Куракансем кашни юрăçа тăвăллăн алă çупса йышăннă. Çапах та Кивĕ Катек чăвашĕ Валерий Раштав (Самойлов) сăввипе кĕвĕленĕ юрăсем ентешсемшĕн пушшех те çывăх туйăннă. Алексей Московскийпе Алена Алексеева вĕсене чун-чĕререн хавхаланса юрланă.

Валерий Раштав сăвăçăн пурнăçĕ çамрăклах синкерлĕ пулса тухнă. Альберт Канаш шăпиллĕ сăмах ăсти хăйĕн ăраскалĕпе лăпланмасть, творчествăра çĕнĕрен çĕнĕ хайлав çуратать.