04 марта 2009 г.
Çамрăксен çулталăкне халалласа февралĕн 27-мĕшĕнче Патăрьелĕнчи культурăпа кану центрĕнче 2009 çулхи чи курăмлă каччăна суйласа илес тĕлĕшпе конкурс иртнĕ. Унта Патăрьелĕнчи пĕрремĕш, иккĕмĕш шкулсенчи, професси училищинчи çамрăксем хутшăннă.
Конкурсра тĕрлĕрен ыйтусене парăнтарса хăйсене тивĕçекен ятсене çĕнсе илмелле пулнă вĕсен. Юлашкинчен жюри Н.Наумов сăпайлă, Р.Кузнецов питĕ стиллĕ, Е.Авинов артист пек, А.Кудерге романтикăлла, Е.Ялуков паттăр, Ф.Моисеев илĕртÿллĕ каччă пулнине палăртнă.
Чи-чи пысăк парнене вара А.Цветков тивĕçнĕ. Вăл – çулталăкри чи курăмлă каччă.