13 марта 2009 г.
Район администрацийĕн структура подразделенийĕсен ертÿçисен черетлĕ канашлăвĕнче район пуçлăхĕн пĕрремĕш çумĕ Р.Селиванов çуркуннен пĕрремĕш эрнине пĕтĕмлетнĕ. Çак тапхăр Пĕтĕм тĕнчери хĕрарăмсен кунĕпе çыхăннă май ял тăрăхĕсенче уяв ячĕпе тĕрлĕрен мероприяти, хĕле ăсатмалли йăла-йĕркене ирттернĕ.
Вĕрентÿ учрежденийĕсем, çамрăксем “Çамрăксем сывă пурнăç йĕркишĕн” акцие хастар хутшăнаççĕ. Çавна май районта спорт, культура мероприятийĕсем тăтăшах иртеççĕ, шкулсенче куравсем, калаçусем йĕркелеççĕ.
Юлашки кунсенче çунă юр автотранспортпа çул çÿрекенсене никама та чăрмав кÿмен, ăна яваплă организацисем вăхăтра тасатса тăнă.
Канашлура çурхи уй-хир ĕçĕсемпе çыхăннă ыйтусене çивĕчлетнĕ, демографи лару-тăрăвне пĕтĕмлетнĕ, ял тăрăх тата район бюджечĕсене мĕнле пурнăçланине пăхса тухнă тата ытти те.