Публикации » Уяв кунхине хăй çине алă хунă

13 марта 2009 г.

Вăкăр çулĕнче районта çын пурнăçĕпе çыхăннă синкерлĕ ĕçсем пĕрин хыççăн тепри пулсах тăчĕç. Темĕнле сăлтавпа çамрăксем чечек пек илемлĕ вăхăтне хăйсен ирĕкĕпе татаççĕ. Ку таранччен районĕпе ултă çамрăк çакăнса вилнĕ. Вĕсенчен ытларахăшĕ – ар-çынсем. Нумаях пулмасть çакнашкал усал ĕç Шăнкăртамра пулса иртнĕ. 26 çулхи икĕ ача ашшĕ шăп та лăп Хĕрарăмсен кунĕнче çак усал ĕçе туса хунă. Мăнтарăн арçынни икĕ пĕчĕк пепкине те, мăшăрне те шеллемен-ши; Пĕтĕм тĕнчери çуркуннехи пĕрремĕш уяв кунхине пуриншĕн те пысăк “парне” тунă. Пурнăçра, паллах, кашни çыннăн тĕрлĕрен йывăрлăх сиксе тухма пултарать, çапах та ăна кирек мĕнле пулсан та ирттерсе яма тăрăшмалла, усала парăнмалла мар.