18 марта 2009 г.
Çуркуннен ĕçлĕ кунĕсем çывхарса килнĕ май район пуçлăхĕн пĕрремĕш çумĕ Р.Селиванов, райадминистрацин структура подразделенийĕсен ертÿçисен черетлĕ канашлăвĕнче чăн малтанах ака-суха ĕçĕпе çыхăннă ыйтусене çивĕчлетнĕ. Хуçалăхсенче паян çунтармалли-сĕрмелли материалсене, минераллă удобренисене кÿрсе килес, çителĕклĕ вăрлăх хатĕрлес, техникăна юсаса кирлĕ шая çитерес ыйтусемпе пикенсе ĕçлемеллине палăртнă.
Планеркăра çывăх вăхăтра тĕрлĕрен предметпа ППЭ валли хатĕрленсе репетици экзаменĕсем пуçланасси пирки калаçу хускатнă. Районти культура работникĕсен халăх хорĕ ял тăрăхĕсене тухса çÿрени пирки те информацисем итленĕ.
Районти структура подразделенийĕсен ертÿçисен канашлăвĕнче район, ял тăрăх бюджечĕсене мĕнле пурнăçласа пынине сÿтсе явнă, вырăнсенче тирпей-илем кĕртес, тĕрлĕ шайри программăсене пурнăçлас ыйтусене çивĕчлетнĕ.