18 марта 2009 г.
Информаци технологийĕ вăй илсе пынă ĕмĕрте районти чылай предприяти, учреждени, организаци хăйсен ĕçĕ-хĕлне кăтартакан сайт уçнă. Паянхи куна Патăрьел районĕн порталĕнче, ял тăрăхĕсемпе шкулсемсĕр пуçне, Патăрьел ялĕн, ЧПУн Патăрьелĕнчи филиалĕн, Патăрьелĕнчи тĕп библиотекăн, тĕп больницăн, професси училищин, районти “Авангард” хаçатăн хăйсен сайчĕсем пур. Çакă, паллах, чăн малтанах вĕсем пирки тулли информаци илме май парать.
Çак кунсенче районти халăха ĕçпе тивĕçтерекен центр хăйсен ятарлă сайтне уçма хатĕрленет. Кризис тапхăрĕнче вăл чылай çыншăн усăллă информаци “багажĕ” пулĕ. Интернетран нумайăшĕ хăйсен ыйтăвĕсене тулли хурав илĕç.