Публикации » Ырă пуçару

18 марта 2009 г.

“Авангард” хаçат редакцийĕ “Кивĕ сăн ÿкерчĕк” конкурс йĕркеленине ырлас килет. Ун пек ÿкерчĕксем сахал упранса юлнă. Пирĕн Шăхаль ялĕнче ку енĕпе В.Е. Яковлев–Велвокай чылай сăн ÿкерчĕк тунă. Çемье архивĕнче унăн сахал мар ĕçĕ упранать.

1980-1990 çулсенче “Труд” ял хуçалăх предприятийĕ йĕркеленнĕренпе 50, 60 çулхи юбилей уявĕсенче кивĕ сăн ÿкерчĕксенчен стенд та йĕркелерĕм. Шел унта хăш-пĕр сăн ÿкерчĕксем çухалчĕç. Упранса юлнисенчен хăшне-пĕрне хаçат вулакансене паллаштарма кăмăлăм пур. Вăрманхĕрри Шăхалĕнче те Иссак Аврамович Матвеев фотограф пурччĕ. Вăл та çынсене чылай сăн ÿкерчĕк туса панă. Юлашки çулсенче Мари республикинче пурăнса çĕре кĕнипе унăн сăн ÿкер-чĕкĕсене тупма пулмарĕ.

Б.КОШКИН.