18 марта 2009 г.
Кăçал И.Хитров парнисемшĕн черетлĕ турнир “Паттăр” спорткомплексăн спортзалĕнче иртрĕ.
Турнира пурĕ 6 команда хутшăнчĕ. Судьясен коллегийĕ вĕсене икĕ ушкăна пайларĕ. Пĕрремĕшĕнче “Паттăр” спорткомплексăн, Ел-чĕк районĕн тата çамрăксен командисем пулчĕç. Иккĕмĕшне Комсомольски, Канаш тата “Батыревский” пĕр-лешÿ командисем лекрĕç. Тĕл пулусем çивĕч те интереслĕ иртрĕç. Виççĕмĕш вырăншăн “Паттăр” спорткомплексăн командипе Елчĕк команди тупăшрĕç, Патăрьелсем çĕнтерчĕç. Пĕрремĕш вырăншăн вара Комсомольски районĕн командипе “Батыревский” пĕрлешÿ тăратнă команда вылярĕç. Хăнасем 2:0 шутпа çĕнтерчĕç, пĕрремĕш вырăн йышăнчĕç. “Батыревский” пĕрлешÿ спортсменĕсем иккĕмĕш вырăна тухрĕç.
Судьясем чи лайăх вылякансене те палăртрĕç. Турнирта “Чи лайăх тапăнса вылякан” ята “Паттăр” спорткомплекс командинчи М.Табаков, “Чи лайăх хÿтĕлевçĕ” ята Елчĕк районĕн командинчи А.Мартышкин илчĕç. Комсомольски районĕнчи В.Гладков “Чи лайăх пас паракан”, “Батыревский” пĕрлешÿри Д. Яковлев “Чи лайăх вылякан” ятсене тивĕçрĕç.