18 марта 2009 г.
Çарсене Афганистанран кăларнăранпа 20 çул çитнине халалласа Алманчăри вăтам шкул спорт залĕнче волейбол турнирĕ иртрĕ. Ăна районти воин-интернационалистсен канашĕн ертÿçин çумĕ О.Федоров тăрăшнипе виçĕ çул каялла пуçарса янă. Кăçалхинче 9, 10, 11-мĕш классен командисем вăй виçрĕç. Хĕрÿ тупăшура вунпĕрмĕшсем вăйлăрах пулни палăрчĕ. Турнира хутшăннă пур команда та воин-интернационалистсен парнисене тивĕçрĕ.
Вунă çул тăсăлнă Афган вăрçине çак шкултан вĕренсе тухнă (Алманчă, Красномайск, Кзыл Чишма ялĕсенчен) 19 çамрăк хутшăннă. Вĕсенчен пил-лĕкĕшĕ тĕл пулăва килме май тупрĕç.
П.СЕМЕНОВ.