Публикации » Çĕр ĕçченĕн çулталăкĕ культурăллă мероприятисемпе пуян

21 марта 2009 г.

Республика Президенчĕ Н.Федоровăн Указĕпе килĕшÿллĕн ят панă Çĕр ĕçченĕн çулталăкĕнче районта культурăллă мероприятисем, кану каçĕсем пулсах тăраççĕ. Патăрьелĕнчи культурăпа кану центрĕн сцени çинче те тĕп хуламăртан килнĕ юрăçсем пĕрин хыççăн тепри улшăнсах тăраççĕ.

Ку тĕлĕшпе вырăнти артистсем те пысăк хастарлăх кăтартаççĕ. Акă, Патăрьелĕнчи халăх театрĕн артисчĕсем районти чылай ялсене çитсе тĕрлĕрен спектакль кăтартрĕç. Халĕ вара РФ тата ЧР культурин тава тивĕçлĕ работникĕ А.Шакин тата ЧР культура тава тивĕçлĕ работникĕ П.Никитин ертсе пынипе культура ĕçченĕсен халăх хорĕ ял тăрăхĕсене тухса вырăнти халăх валли кану каçĕсем йĕркелеççĕ.