21 марта 2009 г.
Турханти психоневрологи интерначĕн коллективĕ пĕчĕк мар. Инвалидсемпе пĕрлех тĕп ĕçре тăрăшакансем те чылайăн. Коллективра ырă та сывă пурнăç йĕркине тытса пырас, çынсене кăмăлтан ĕçлесе культурăллă канма условисем туса парас тĕлĕшпе тĕрлĕрен мероприяти йĕркелесси йăлана кĕнĕ.
Нумай пулмасть çеç республикăра пирус туртакансене хирĕçлесе йĕркеленĕ профилактика программипе килĕшÿллĕн интернатра теннисла выляссипе турнир йĕркеленĕ. Ăмăртăва ĕçлекенсем те, инвалидсем те хастар хутшăннă. Турнирта тĕп работниксенчен Е.Ухваринапа П.Япаров, инвалидсенчен Н.Юркова палăрнă.