21 марта 2009 г.
Чăваш Республикин тава тивĕçлĕ тренерĕ В.Афанасьев тата районти велоспорт федерацийĕн председателĕ В.Михайлов Нăрваш Шăхалĕнче дуатлон енĕпе ăмăрту йĕркелерĕç. Мероприятие хутшăнакансен малтан йĕлтĕрпе чупмалла, унтан велосипедпа ярăнмалла. Старта 1999 çулта çуралнисем тата кĕçĕнреххисем тухрĕç. Кунта чи пултаруллисем Нăрваш Шăхальсем пулчĕç. Малтанхи вырăнсене И.Мулендеев, В.Шайманов тата П.Павлов йышăнчĕç. Хĕр ачасенчен чи пултарулли – Н.Мулендеева. Тепĕр ушкăнра В.Афанасьева (Нăрваш Шăхаль) çитекенни пулмарĕ. Иккĕмĕшпе виççĕмĕш вырăнсене Турхансем – П.Лябуковпа З.Егоров йышăнчĕç. Хĕр ачасенчен С.Михайлова, И.Петрова, Н.Шайманова çĕнтерÿçĕсем ятне тивĕçрĕç.
Спортсменсен çулĕсем ÿссе пынă май дистанцин вăрăмăшĕ те пысăкланчĕ. 1995-1996 çулсенче çуралнисем хушшинче ăмăрту питĕ çивĕч иртрĕ. Йĕлтĕрпе чупнă çĕрте М.Емельяновпа А.Осипова çитекенни пулмарĕ. Велосипедпа вара вĕсенчен Нăрваш Шăхалĕнчи В.Черноглазов иртсе кайрĕ, финиша малтан кĕрсе чемпион ятне тивĕçрĕ. Хĕр ачасенчен чемпион ятне малтан кĕтнĕ пекех Н.Михайлова çĕнсе илчĕ. Унăн юлташĕ А.Григорьева – иккĕмĕш, Н.Осипова виççĕмĕш вырăнсене йышăнчĕç. Аслисенчен чи пултарулли А.Еразумов пулчĕ, ун хыççăн каярах К.Ефимов çитрĕ.
В.БОРОДКИН, ăмăрту судйи.