25 марта 2009 г.
“Çамрăксем сывă пурнăç йĕркишĕн” акци малалла тăсăлнă май, район администрацийĕн структура подразделенийĕсен ертÿçисен канашлăвĕнче вăл район шайĕнче мĕнле иртсе пынă пирки пĕтĕмлетнĕ.
Иртнĕ эрнере районта чăвашсен паллă писателĕ, пирĕн ентеш Алексей Талвир 100 çул тултарнине паллă тунă. Юбилей майĕпе вĕрентÿ тата культура учрежденийĕсенче унăн творчествипе çыхăннă уяв каçĕсем иртеççĕ.
Планеркăра районти хуçалăхсем çурхи уй-хир ĕçне мĕнле хатĕрленнине те сÿтсе явнă, хăш-пĕр ыйтусене çивĕчлетнĕ. Кунтах хутмалли тапхăра ăнăçлă вĕçлес, тĕрлĕ шайри программăсене пурнăçласа пырас, хамăр пурăнакан вырăнсене тирпей-илем кĕртес ыйтусене те хускатнă.