25 марта 2009 г.
Патăрьелĕнчи 2-мĕш вăтам шкулти вĕрентекенсем район тата республика шайĕнче иртекен конкурссене хутшăнса çитĕнÿсем туни уйрăмах савăнтарать. Н.Чумерин, Е.Баюсова районти физикăпа математика вĕрентекенĕсен фестивальне хутшăнчĕç. Çĕнĕ технологипе усă курса уçă уроксем ирттерчĕç, 1-мĕш вырăнсене çĕнсе финала тухрĕç. Хăйсен пултарулăхне вĕсем республикăра та тивĕçлипех кăтартрĕç: Çĕрпÿ хулинче иртнĕ фестивальтен çĕнтерÿçĕ пулса таврăнчĕç. Николай Иванович 1-мĕш вырăна тухса лауреат ятне тивĕçрĕ, Елена Павловна “Педагогика ăсталăхĕ” номинацире 2-мĕш вырăна тухма пултарчĕ.
Паянхи кун çакăн пек тăрăшуллă вĕрентекенсенчен тĕслĕх илмелли çав тери нумай. Малашне те пысăк ÿсĕмсем туса шкул чысне çÿлте тытасса чун-чĕререн шанас килет.
М.ИВАНОВА.