25 марта 2009 г.
Патăрьелĕнчи А.Клочковăна почтальонка пысăк конвертлă çыру парса хăварчĕ. Ывăлĕ (сăн ÿкерчĕкре) вĕренекен авиаципе инженери университетĕнчен иккен вăл. Педагогика наукисен докторĕ, вĕренÿ çурчĕн ертÿçи, профессор хыпар янă хальхинче. Антонина Афанасьевнăна Юрий ывăлне тĕрĕс воспитани парса ÿстернĕшĕн хĕпĕртеме хушнă. Патăрьел каччи вĕренÿ ушкăнĕн командирĕ пулнине çирĕплетнĕ. Юрий талантлă, пуçаруллă, çар наукин актуаллă ыйтăвĕсене татса пама пултаракансен йышне тăма тивĕçнине пĕлтернĕ. Темиçе хутчен те хавхалантарнă ăна. Пĕтĕм Раççейри наукăпа практика конференцине хутшăнма тивĕç пулнă Юрий. Патăрьел каччи малашне те тăрăшулăхне ÿстерсе пырса хĕç-пăшаллă вăйсен йăли-йĕркине чыслăн тытасса шанаççĕ вĕрентÿ учрежденийĕнче.
Антонина Афанасьевна çырушăн тем пекех хĕпĕртерĕ. Ывăлĕ Клочковсен ятне çÿлте тытнăшăн савăнчĕ.
(Хамăр корр.).