Публикации » Районти çамрăк талантсене палăртнă

28 марта 2009 г.

Патăрьелĕнчи пĕрремĕш вăтам шкулта 5-7-мĕш класра вĕренекенсен “Çамрăк талантсем – 2009” ятпа математика предмечĕпе районти олимпиади иртнĕ. Унта кашни шкултанах çак кăткăс наукăна çирĕп пĕлекен, çивĕч ăслă ачасем хутшăннă. Яланхиллех вăйлисенчен вăйлисем олимпиада çĕнтерÿçисем пулнă. Пĕрремĕш вырăна Алманчăри Е. Емельянова (учителĕ Е. Сергеева), иккĕмĕшне Турханти А. Башмаков (учителĕ А. Богданова), Нăрваш Шăхалĕнчи Е. Николаева (учителĕ М. Николаева), Патăрьелĕнчи иккĕмĕш вăтам шкулти Я. Васюткина (учителĕ Г. Кубикова), виççĕмĕшне Хирти Пикшикри Э. Маликова (учителĕ Ф. Чернова), Шăнкăртамри вăтам шкулти А. Шарягова (учителĕ Г. Юсупова) тивĕçнĕ.