04 апреля 2009 г.
Шăнкăртамри пĕтĕмĕшле пĕлÿ паракан тĕп шкулта “Халăх ăс тăнĕ – манăн чĕремре” темăпа районти иккĕмĕш, республикăри пиллĕкмĕш фестиваль иртрĕ. Унта Патăрьел, Комсомольски, Шăмăршă, Куславкка районĕсенчи шкулсенче вĕренекен 160 ача хутшăнчĕ. Фестиваль пуçланиччен С. Калайбашева директор шкул пурнăçĕпе паллаштарчĕ, презентаци кăтартрĕ.
Мероприятие тутар наци культурин автономийĕн председателĕ Ф. Гибатдинов уçнă. Республикăри мăсăльман тĕн управленийĕн председателĕ Альбир хазрат Крганов саламлă сăмах каланă. Унтан тутар поэчĕсен сăвви-юрри янăранă. Фестиваль пĕтĕмлетĕвне вĕрентÿ пайĕн методисчĕ Г. Багаутдинова тунă. Участниксене дипломсемпе, кĕнекесемпе хавхалантарнă. Çитес фестивале 2010 çулта Ыхра Çырми шкулĕнче ирттерме палăртнă.