Публикации » Район халăхĕ “Авангарда” кăмăллать

04 апреля 2009 г.

Районта тухса тăракан “Авангард” хаçата юратса вулаççĕ, хапăлласа çырăнаççĕ. Çакна çулталăкĕпе икĕ хутчен йĕркелекен çырăнтару тапхăрĕн кăтартăвĕпе те çирĕплетме пулать. Акă, пĕлтĕрхи иккĕмĕш çур çулта ăна районти 3607 çемье илсе тăнă. Кăçалхи январьтен пуçласа вара “Авангард” хаçат 3931 экземпляр саланать. Пĕрремĕш кварталтах иккĕмĕш çур çултан илсе тăмашкăн çырăнтару тапхăрĕ пуçланчĕ. Ĕçре Çĕньялсем çаврăнăçуллă пулнине палăртса хăвармаллах. Р. Иванова ертсе пыракан коллектив ра-йон хаçатне июль уйăхĕнчен пуçласа илсе тăма 67 экземпляр çырăнтарма ĕлкĕрнĕ. Ĕçре В. Семенова, М. Сулагаева, Т. Осипова, Т. Гурьянова почтальонкăсен тÿпи пур. Вĕсем район хаçатне çырăнтармалли тĕллевĕн пĕрре виççĕмĕш пайне пурнăçланă.