04 апреля 2009 г.
Вырăс чĕлхипе литература эрнине шкулта аслă поэтăмăра, А.Пушкина халалларĕç. Кашни класах унăн пурнăçĕпе ĕçĕ-хĕлĕ çинчен кăсăклă хаçат кăларчĕ, сăвă калакансен конкурсĕнче М.Самделова, Е.Кошелева çĕнтерчĕç. Юмахсем тăрăх ÿкерчĕксен конкурсĕнче 24 ача 34 ĕç тăратрĕç. Пĕри тепринчен илемлĕрех, пуян содержаниллĕ.
Е.Зотова, Е.Дубинина, Д.Дубинин тата Е.Кошелева малти вырăнсене йышăнчĕç. 5-мĕш класри викторинăра А.Кадушкин çĕнтерчĕ. Çак класрах КВНта тупăшрĕç ачасем.
Тăххăрмĕшсем “Пушкин пурнăçĕнчи хĕрарăмсем” темăпа презентаци кăтартрĕç.
Эрнипех шкулта поэтăн кĕнекисен выставки ĕçлерĕ. Чи интересли “Хаваслă самант” пулчĕ. Унта вĕрентекенсемпе вĕренекенсем хутшăнчĕç. Вĕрентекенсем А.Пушкина лайăхрах пĕлнине кăтартса пачĕç.
Вырăс чĕлхине тата литературине вĕрентекен Л.Ягановăпа Л.Басова эрнене линейкăра пĕтĕмлетрĕç, мала тухнисене грамотăсем пачĕç.
Н.КОШЕЛЕВА.