08 апреля 2009 г.
Районти хĕрарăмсен совечĕ хăйĕн черетлĕ канашлăвне ирттерчĕ. Унта вырăнти хĕрарăмсен совечĕн председателĕсемпе пĕрлех ял тăрăхĕсен специалисчĕсем те хутшăнчĕç.
Кун йĕркинче чылай ыйтусене хускатрĕç. Малтанах район пуçлăхĕ Н. Глухов Чăваш Республикин Президенчĕ Н. Федоров Патшалăх Канашне янă “Чăваш Ен çитĕнĕвĕ – кашнин пуçарулăхĕнче” Çырăвĕпе килĕшÿллĕн туса ирттернĕ ĕçсемпе, умра тăракан задачăсемпе паллаштарчĕ.
Опекăпа попечительство органĕсен тата районти ачасен интересĕсене хÿтĕлекен общественность умĕнче тăракан задачăсемпе Т.Чылыкова паллаштарчĕ.
Районта юлашки çулсенче ача çураласси палăрмаллах ÿснĕ. Çавна май амăшĕн капиталĕн сертификачĕпе усă куракансем те йышланнă. Унпа мĕнле усă курмалли çинчен районти Пенси фончĕн представителĕ А. Торговцев каласа кăтартрĕ.
Канашлу ĕçне районти хĕрарăмсен совечĕн председателĕ О.Гусарова пĕтĕмлетрĕ.
В.МАЛЬЦЕВА.