08 апреля 2009 г.
Республикăра “Литературăллă Чăваш Ен: чи лайăх вуланнă кĕнеке-2007” конкурс иртрĕ. Унта пирĕн районти библиотекăсем те хутшăнчĕç. Чăваш наци библиотеки конкурса 2007 çулта пичетленнĕ 139 кĕнекене кĕртме сĕннĕччĕ. Авторсен шутĕнче пирĕн ентешсем те пур.
Çынсем ытларах кăмăллакан кĕнекене палăртас тĕллевпе вулавăшсенче халăхран ыйтассине йĕркеленĕ. Пĕрлех кĕнекене миçе çын илнине шута илнĕ. Çавăн тăрăх “Чăвашла чи лайăх вуланнă кĕнеке” номинацире Н. Симуновăн “Ан йĕр эсĕ, Лена”, “Вырăсла чи лайăх вуланнă кĕнеке” номинацире С.Павловăн “Роковая метка”, ача-пăча кĕнекисенчен чăвашла Н. Волковăн “Кил илемĕ”, вырăсла Д. Матвейчукăн “Жгучая крапива” çĕнтернĕ.
Первомайскинче “Халăх поэчĕ тăван ялта” (Н.Исмуков) ятпа ирттернĕ литературăпа музыка каçĕ “Кĕнеке пĕлтерĕшне халăх хушшинче сарас тĕлĕшпе чи интереслĕ те усăллă мероприяти” номинацире палăрнă.
Конкурссем ирттерес ĕçре районти ял тăрăхĕсем хушшинчи тĕп библиотека хастар пулнă.
Именкассинчи А.Осипова вара конкурса тăратнă 22 кĕнекене вуланă, ачасенчен Патăрьелĕнчи иккĕмĕш вăтам шкулти виççĕмĕш класри Т.Игнатьева палăрнă.